بصو يا جماعة، حوار إنك تعمل تصميمات سوشيال ميديا بضغطة زرار واحدة ده مطلعش كلام فشنك وخلاص! النتائج بجد طلعت صدمة ومكنتش متخيلاها تطلع بالشياكة دي خالص.
دايماً الواحد مننا كمصمم بيقعد يحتار ويهري نفسه بالساعات عشان يكتب وصف أو برومبت طويل عريض، عشان يخلي محركات الذكاء الاصطناعي تفهم الدماغ وتطلع صور حلوة واحترافية زي إعلانات الشركات الكبيرة والبراندات العالمية الي بنشوفها في كل مكان. عشان كدة قولت لازم أجرب بنفسي الأداة المجانية الي عملناها في الموقع لتوليد البرومبتس، وبصراحة.. النتيجة كانت خرافية!
تجارب حية بالأداة السحرية لتوليد البرومبتس
عشان أختبر الأداة صح، جربت أكتر من مود وميكس ألوان، ودي كانت النتائج:
1. تجربة الفخامة (أسود × ذهبي)
في أول تجربة قولت أشوف فخامة الأسود مع الذهبي بتطلع إزاي؛ كتبت في أول خانة كلمة Burger بالانجليزي، واخترت من القوائم ألوان أسود وذهبي عشان الفخامة، وخليت التكوين البصري حلزوني (Spiral) عشان يعمل حركة سريعة ومجنونة في اللقطة، مع زاوية تصوير منخفضة عشان تفخم شكل السندوتش.
النتيجة: طلعت صورة كأنها إعلان عالمي جاهز بضغطة واحدة بس! الإضاءة جاية من الجنب ومبينة تفاصيل العيش واللحمة بشكل يفتح النفس ومن غير أي غلطة في الدمج.
2. تجربة الميكس الغريب (زمردي × برونز)
بعد ما شوفت النتيجة دي، قولت طب وليه مجربش ميكس ألوان تاني غريب ومش متعودة عليه؟ روحت مغير ميكس الألوان لـ زمردي وبرونز، واخترت المساحة الواسعة في الخيارات عشان تعطي فخامة هادية ورايقة كدا ومش زحمة، والزاوية عملتها ماكرو (Macro) عشان تجيب التفاصيل القريبة والملمس والإضاءة القريبة.
النتيجة: طلعتلي صورة ألوانها مريحة جداً للعين وهادية وشكلها شيك قوي ومختلف عن المعتاد بجد وتصدم من جمالها وسهولتها، وتنفع جداً لإعلانات البرفانات أو الساعات الغالية الي بتحتاج عميل هادي وبيفهم في التفاصيل.
3. تجربة النعومة والمودرن (وردي × بيج)
في تجربة تالتة قولت أشوف النعومة بتطلع إزاي، فاخترت ألوان وردي وبيج وغيرت الزاوية خالص وخليتها من فوق الي هي الـ Flat Lay عشان اجيب اللقطة من الأعلى، والتكوين البصري عملته خطوط قطرية عشان توجه العين للمنتج نفسه مع منصة بسيطة كدا وإضاءة ستوديو متوزعة صح.
النتيجة: طلعت صورة مودرن جداً وتنفع أوي لمنتجات العناية بالبشرة والمطاعم اللايت الخفيفة الي بتدور على استايل رايق وشبابي يشد عيون الزباين الي بتعمل سكرول على الفيسبوك والانستجرام علطول.
طريقة الاستخدام (أسهل مما تتخيل!)
الموضوع تافه خالص في الاستخدام مش محتاج ذكاء أو حوارات كتير من بتاعت زمان، كل الي عليك تعمل الخطوات دي:
- اكتب اسم منتجك بالانجليزي في أول خانة (دي تريكة مهمة جداً عشان الأداة تفهم نوع المنتج بالظبط).
- اختر الألوان، الزاوية، والتكوين الي تحبه من القوائم المتاحة.
- دوس على زرار "توليد وصف التصميم".
- انسخ النص الإنجليزي الي هيظهرلك في الصندوق، وروحي حطيه فوراً في أي منصة ذكاء اصطناعي بتحبيها وشغالة بيها زي شات جي بي تي أو حتى جيمناي (Gemini).
حط الوصف وهيطلعلك نتائج واقعية وتفاصيل أكل وإضاءة سينمائية رهيبة بجد وسريعة جداً. الأداة بتكمل الباقي وتظبط الوصف الفني الي بيخلي الصورة تطلع بروفيشنال ومش عكاكة خالص، وبتطلع الليرات شكلها نضيف ومريح وجاهز للاستخدام في أي حملة إعلانية بتفكروا فيها.
جربوها الآن مجاناً!
الأداة مجانية الحين ومتاحة ليكم كلكم على الموقع، جربوها الحين وورونا التصميمات الي هتطلعوها في الكومنتات تحت، وقولولي انهي ميكس ألوان عجبكم أكتر ونوايين تشتغلوا بيه في شغلكم الجاي؟